Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողության գաղտնիքներ

Մետաղադրամի պատմությունը

Հեղինակ՝ gammat

Ճապոնական մեծն հրամանատարներից մեկը՝ Նոբունագան, որոշում է գրոհել հակառակորդի վրա, չնայած նրան, որ թշնամու քանակը տասն անգամ ավելի շատ էր, քան իր զորքը։ Նա վստահ էր, որ կհաղթի ճակատամարտը, բայց նրա զինվորները կասկածում էին։

Ճանապարհին նա կանգ առավ մի սրբավայրի մոտ ու իր զորքին ասաց․
— Այն բանից հետո, երբ ես այցելեմ սրբավայր, ես մետաղադրամ կնետեմ։ Եթե ընկնի մետաղադրամի այն կողմը, որտեղ արծիվ է պատկերված, ապա մենք կհաղթենք մարտը, հակառակ դեպքում` կպարտվենք։

Նոբունագան մտավ սրբավայր և աղոթեց։ Դուրս գալով` նա մետաղադրամը նետեց։ Ընկավ արծիվ։ Դա տեսնելով՝ նրա զինվորներն այնպես վստահորեն ու կատաղի մղվեցին գրոհելու, որ շատ հեշտությամբ հաղթեցին ճակատամարտը։

Հաղթանակից հետո Նոբունագայի ծառաներից մեկն ասաց նրան․
-Ոչ ոք չի կարող փոխել ճակատագիրը։

-Իհարկե, — պատասխանեց Նոբունագան` ցույց տալով նրան մետաղադրամը, որի երկու կողմում էլ արծիվ էր պատկերված։ 🙂

Ահա ևս մեկ պատմություն, որը կրկին ապացուցում է, որ ճակատագիրը մեր ձեռքերում է։

Հեղինակի մասին

gammat

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»