Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Ինչի վրա ծախսել կյանքի տարիները

Երևի Ձեզ հանդիպած կլինեն դեպքեր, երբ մարդը պետք է ինչ-որ նոր բան սովորի, կամ որոշ ժամանակ ինչ-որ նոր բանով զբաղվի, որպեսզի կարողանա փոխել իր հետագա ողջ կյանքը: Բայց նա չի անում դա, քանի որ արդյունքն ավելի ուշ է երևալու: Այսինքն, գործում է հետևյալ մտածելակերպը` «եղածը թողած, ինչի՞ մասին մտածեմ»: Եվ դա հիմնականում լինում է կյանքի ավելի հասուն փուլերում, քանի որ երիտասարդ տարիքում մարդն ավելի ճկուն է նման փոփոխությունների հանդեպ: Օրինակ, ծանոթներիցս մեկը պետք է մոտ 1 տարի անգլերեն սովորի, որպեսզի հետո կարողանա աշխատել արտասահմանյան մեծ ընկերությունում, որտեղ և հնարավորություններն են ավելի մեծ և ապագան է ավելի հստակ: Բայց նա չի անում դա, որովհետև 1 տարին մեծ թիվ է: Մե՞ծ…

Եկեք հասկանանք, թե ինչի վրա է ծախսում տարիները միջին վիճակագրական մարդը: Սկզբում բոլորն էլ սովորում են դպրոցում, լավագույն դեպքում 10 տարի, հետո համալսարան, հետո մի մասը որոշ ժամանակ անգործ է մնում, մի մասն էլ սկսում է աշխատել: Ապա տարիներով մարդն աշխատում է նույն աշխատանքի վայրում, հետո միգուցե փոփոխություններ, իսկ միգուցե` ոչ: Այսինքն, մենք տասնյակ տարիներ ենք ծախսում միջին, ընդունված կյանքով ապրելու համար, բայց երբ պետք է 1 տարի ծախսել այդ կյանքը հիմնովին փոխելու համար, դա շատ է թվում: Իրականում` կարծում եմ պատճառը միայն ժամանակը չէ: Հասուն տարիքում մարդն ավելի մեծ պատասխանատվություն է զգում, թեկուզ հենց ֆինանսական առումով` իր ընտանիքի հանդեպ: Բայց ցանկացած մարդ պետք է հասկանա, որ գալիս են պահեր, երբ պետք է կարողանալ որոշում ընդունել` կարճ ժամանակով զոհաբերել ներկան, մի փոքր դժվարություններ ապրել` հանուն ավելի պայծառ ապագայի: Պետք է ճկուն լինել, կարողանալ ամբողջովին տեսնել պատկերը` Ձեր կյանքի պատկերը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

3 մեկնաբանություն

    • Ես էլ երկու տարի է ուզում եմ անգլերեն պարապեմ, չի ստացվում, այսպես կոչված, ժամանակի սղության պատճառով… Բայց Հրաչը ճիշտ է, պետք է կարողանալ զոհաբերել ներկան: Եկեք խոստովանենք, որ մեր ալարկոտությունից է գալիս ամեն բան, եթե ուզենանք, կկարողանանք ժամանակ գտնել… 🙂

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»