Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Բիզնես աքսելերատորները՝ MBA կրթությանն այլընտրանք

Այսօր ուզում եմ խոսել ևս 2 բիզնես աքսելերատորների մասին: Y Combinator-ին, կարծում եմ, արդեն ծանոթ եք, ժամանակն է շարժվելու առաջ: Հիշեք նաև այս անունները՝ Techstars և Seedcamp: Techstars-ը համարվում է ԱՄՆ լավագույն բիզնես աքսելերատորներից մեկը, եթե ոչ լավագույնը: 2012թ-ի ապրիլին Forbes-ը հրապարակեց բիզնես ինկուբատորների և աքսելերատորների Top ցանկը: Դրանում Techstars-ը զբաղեցնում էր 2-րդ տեղը՝ զիջելով միայն Y Combinator-ին: Իսկ Seedcamp-ը Եվրոպայի խոշորագույն բիզնես աքսելերատորն է, որը սկսել է մրցակցել մյուս երկուսի հետ: Y Combinator-ի պես՝ այս երկուսը նույնպես հնարավորություն են տալիս ստարտափներին վերածվել մի քանի հոգանոց թիմից բազմամիլիոնանոց ընկերությունների: Ընդհանրապես, բիզնես աքսելերատորները համարվում են MBA կրթությանն այլընտրանք, քանի որ այն ժամանակը, որը մասնակիցներն անցկացնում են ակտիվ հանդիպումների, սեմինարների և իրական աշխատանքի մեջ, իրոք մեծ ազդեցություն են թողնում: Techstars-ի և Seedcamp-ի մասին առանձին հոդվածներով անպայման կգրեմ՝ նշելով, թե ովքեր կարող են դրանց դիմել, երբ, որտեղ և այլն, իսկ այս պահին պարզապես ցանկանում էի ընդհանուր տեղեկացնել:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»