Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողակ ընկերություններ

Չինաստանի ինտերնետ հսկաները. Tencent

Կարծում եմ գիտեք, թե ինչ հսկայական շուկա է Չինաստանը բիզնեսի համար: Եվ խոսքը վերաբերվում է ոչ միայն տարբեր ապրանքներին, որոնցով այն մեզ մոտ տպավորված է, այլ նաև ինտերնետին: Չինաստանի ինտերնետ տեղեկատվական կենտրոնի տվյալներով Չինաստանում մոտ 538 միլիոն մարդ է օգտվում ինտերնետից, որը կազմում է երկրի բնակչության 40%-ը: Օգտվողների կեսից ավելին մինչև 25 տարեկան տղաներ ու աղջիկներ են, որոնք շաբաթական միջինում 16 ժամ են անցկացնում ինտերնետում: Նրանց հիմնական զբաղմունքը երաժշտությունն ու խաղերն են:

Չինաստանում է գտնվում օգտվողների քանակով աշխարհում 2-րդ ինտերնետ ընկերությունը՝ Tencent-ը: Այն հիմնադրվել է 1998թ-ին՝ չինացի երկու գործարարների կողմից: Tencent-ում աշխատում է մոտ 20 հազար մարդ: Ընկերության գլխավոր գրասենյակները գտնվում են Պեկինում և Շանհայում, ինչպես նաև կան մասնաճյուղեր երկրի այլ քաղաքներում, ԱՄՆ-ում և Վիետնամում: Ընկերության եկամուտի հիմնական աղբյուրը QQ-ն է, որն իրենից ներկայացնում է ինտերնետ հարթակ ակնթարթային հաղորդագրությունների (ինչպիսին Skype-ն է), սոցիալական ցանցերի (օրինակ, Tencent Weibo), խաղերի, երաժշտության և վիդեոների համար: QQ.com-ը Չինաստանի խոշորագույն պորտալն և աշխարհի 9-րդ ամենաշատ այցելվող կայքը:

2004թ-ի հունիսի 14-ին Tencent-ը դուրս եկավ IPO-ի Հոնկոնգի ֆոնդային բորսայում: Այդ օրվանից դրա բաժնետոմսերի գինն աճել է մոտ 65 անգամ և այժմ ընկերության շուկայական կապիտալիզացիան 480 միլիարդ դոլար է (դա ավելին է, քան Google-ինը կամ Apple-ինը): Tencent-ը փորձում է գրավել նաև աշխարհի մյուս մասը: 2009թ-ին այն գործարկեց QQ-ի միջազգային տարբերակը՝ imqq.com-ը: Գործարկման հենց հաջորդ տարում կայքի այցելությունների թիվն անցավ օրեկան 50 հազարից: Դրա միջոցով արտասահմանցիները փորձում էին ծանոթանալ Չինաստանին, դրա մշակույթին և կապ հաստատել չինացիների հետ:

Ահա այսպիսի փոքրիկ մի պատմություն չինական հսկայական ընկերության մասին: Կարծում եմ՝ Tencent-ի մասին պետք է իմանայինք 🙂

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»