Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողակ ընկերություններ

Պիցցա Domino’s. փոքրիկ պատմություն և ֆրանչայզ

Պիցցան աշխարհում ամենասիրված ուտելիքներից է: Միայն ԱՄՆ-ում գործում են ավելի քան 69 հազար պիցցերիաներ, իսկ պիցցայի շուկան այդ երկրում գնահատվում է տարեկան 35 միլիարդ դոլար: Վայրկյանում ԱՄՆ-ում վաճառվում է 350 պիցցա, իսկ միջին ամերիկացին տարեկան ուտում է 46 պիցցա: Ամերիկյան պիցցաների հսկայական բազմազանության մեջ 2-րդ տեղն իր մեծությամբ զբաղեցնում է պիցցա Domino’s-ը՝ զիջելով միայն հանրահայտ պիցցա Hut-ին: 1960թ-ին Թոմ և Ջեյմս Մոնագանների կողմից գնված փոքրիկ պիցցերիան Միչիգան նահանգում, այսօր արդեն վերածվել է 9 000-ից ավելի պիցցերիաների ողջ աշխարհում: Ախ եթե այդ մասին իմանար Ջեյմս Մոնագանը, երբ 60-ականներին վաճառում էր պիցցայի բիզնեսում իր մասնաբաժինը եղբորը՝ Volkswagen «ժուկ» մեքենայի դիմաց, շատ կափսոսար: Իրոք կափսոսար, քանի որ Domino’s-ի բիզնեսն այսօր գնահատվում է մի քանի միլիարդ դոլար: Իմիջիայլոց, պիցցա Domino’s-ը համարվում է ֆրանչայզ առաջարկող լավագույն ընկերություններից մեկը պիցցայի ոլորտում և այն արդեն առկա է մոտ 70 երկրներում: Եթե Ձեզ հետաքրքրի ֆրանչայզի մանրամասները կամ եթե որոշեք դառնալ հաջորդ ֆրանչայզին Հայաստանում, այցելեք այս էջ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»