Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Բիզնես և ֆինանսներ

Գործարար 14 տարեկանում. Դանիլ Միշին

Դանիլ Միշինին առաջին անգամ հանդիպեցի, երբ դիտում էի «Мама, я босс» հաղորդումը (նա վարում է այդ հաղորդումը): Բայց սկզբում նրա վրա այդքան ուշադրություն չդարձրեցի: Հետո սկսեցի հանդիպել նրան այլ հաղորդումներում և մեջս հետաքրքրություն առաջացավ, թե ով է նա, ինչով է զբաղվում և ինչից է սկսել: Պարզվեց, որ Դանիլը իր բիզնեսը սկսել է 14 տարեկան հասակում: Նրա բիզնեսը՝ հոսթելներն են: Ով չգիտի, թե ինչ է հոսթելը, ուղղակի ասեմ, որ դա հյուրանոցի մատչելի տեսակ է, որտեղ մի սենյակում մի քանի մարդ են ապրում: Այսինքն, մարդիկ (հիմնականում տուրիստները), ովքեր հնարավորություն չունեն ապրել հյուրանոցում կամ անցնում են ինչ-որ քաղաքով և պետք է ընդամենը մեկ կամ երկու օր կանգ առնեն այդտեղ, հաճախ ընտրում են հոսթելները: Իր առաջին հոսթելը Դանիլը բացում է Ուկրանիայում՝ հոսթելի վերածելով տատիկի՝ իրենց թողած բնակարանը: Ապա եղած գումարներով վարձում է ևս մի քանի բնակարաններ և կրկին վերածում հոսթելների: Ապա, երբ բիզնեսը Ուկրանիայում զարգանում է, նա տեղափոխվում է Մոսկվա և ժամանակի ընթացքում բացում հոսթելների ցանց: Բայց այդ ամենի մասին ավելի մանրամասն կարող եք իմանալ դիտելով տեսանյութը կամ այցելելով Դանիլի անձնական կայք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»