Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Ստարտափի ֆինանսավորում. 500 startups

Այս հոդվածում ուզում եմ խոսել բավական երիտասարդ, բայց արդեն հայտնի մի վենչուրային ֆոնդի և միաժամանակ բիզնես աքսելերատորի՝ 500 startups-ի մասին: Այն ստեղծվել է 2010թ-ին Դեյվ Մըքլյուրի կողմից: Դեյվը Սիլիկոնային հովիտ է եկել 90-ականներին՝ որպես ծրագրավորող և աճել մինչև մի քանի հաջողակ ստարտափների հեղինակ և Paypal-ի մարքեթինգային տնօրեն: Ապա նաև դարձել է բիզնես-հրեշտակ և սկսել ֆինանսավորել այլ ստարտափներ: 2010թ-ին գործընկերների հետ միասին ստեղծել է 500 startups վենչուրային ֆոնդը, որը պատրաստ է ներդնել 25-ից 250 հազար դոլար նոր, խոստումնալից ստարտափների մեջ: 500 startups-ի առանձնահատկություններից մեկը կայանում է նրանում, որ նրանց կողմից ընդունված թիմերում բավական շատ են աղջիկ հիմնադիրները և 500 startups-ը մեծ պատրաստակամությամբ է ընդունում միջազգային ստարտափներ, ոչ միայն ԱՄՆ-ից:

500 startups-ը ունի նաև բիզնես-աքսելերատորի ծրագիր: Նոր, երիտասարդ թիմերը գալիս են Կալիֆորնիայի նահանգ, Mountain View, որտեղ գտնվում է 500 startups-ի գրասենյակը, վարձում են սեղան, ինտերնետ՝ ամսեկան 1000$-ով, հնարավորություն են ստանում շփվել այլ թիմերի և մասնագետների (մենթորների) հետ: Եվ այդ ամենը կրկին վերջանում է Demo օրով, որտեղ հիմնադիրները ներդրողների բազմությանն են ներկայացնում իրենց նախագիծը: Վենչուրային ֆոնդի կամ բիզնես աքսելերատորի ծրագրին մասնակցելու համար կարող եք դիմել 500 startups-ի կայքի հենց գլխավոր էջից, իսկ մինչ այդ դիտեք 25-րոպեանոց տեսանյութը 500 startups-ի առօրյայի և հնարավորությունների մասին:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»