Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Բիզնես և ֆինանսներ

Հեշտ է արդյո՞ք գումար աշխատել

Հենց սկզբից ասեմ, որ խոսքը գնում է «ինքնուրույն» աշխատելու մասին՝ առանց ենթակայության, առանց աշխատավարձի: Այսինքն, երբ ոչ թե դու անում ես միայն քո մասնագիտական աշխատանքը և վերջ, այլ նաև պրոդուկտ ես ստեղծում, հաճախորդներ ես գտնում, պայմանագրեր ես կնքում, շուկա ես ուսումնասիրում, մարքեթինգ ես անում, մի խոսքով՝ բիզնեսի 🙂 Մինչև տեսանյութին անցնելն ասեմ իմ կարծիքը: Ինքնուրույն գումար աշխատելը դժվար է ամենասկզբում, նույնիսկ շատ դժվար, քանի որ այդ փորձն ու մտածելակերպը դեռ չունես: Իսկ երբ սովորում ես գումար աշխատել, երբ ուղեղդ սկսում է աշխատել այդ ուղղությամբ, երբ փորձ ես կուտակում, ապա գումար աշխատելն ավելի հեշտ է դառնում: Հարցրեք դա ցանկացած գործարարի: Կարծում եմ՝ մեծ մասը կպատասխանի նույն ձև: Եվ վերջապես, դիտեք տեսանյութը և կհասկանաք, թե ինչ կապ ունի նկարում պատկերված գետաձին նշված թեմայի հետ:


Հ.Գ.
Տեսանյութի նկարն անձամբ ինձ դուր չի գալիս, բայց դե ինչ արած… (բովանդակությունն այլ է)

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»