Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության պատմություններ

Ինչպես գրառումը Reddit-ում փոխեց Ջեյմս Էրվինի կյանքը

Ինչպես պատմեցի նախորդ հոդվածներից մեկում, հանրահայտ Reddit կայքի հիմնադիրը հայազգի Ալեքսիս Օհանյանն է: Որպեսզի հասկանաք, թե ինչ է իրենից ներկայացնում Reddit-ը և ինչպես այն կարելի է օգտագործել, պատմեմ մի փոքրիկ պատմություն:

2011թ-ին Reddit-ում մի այսպիսի հռետորական գրառում է արվում. «Ի՞նչ կլիներ, եթե ԱՄՆ ծովային հետևակը հանկարծ հայտնվեր Հռոմեական կայսրությունում՝ Հուլիոս Կեսարի ժամանակներում»: Դա մեկն էր այն հազարավոր գրառումներից, որ ամեն օր արվում են Reddit-ում: Ընդմիջմանն այդ գրառումը կարդում է գրող-ֆրիլանսեր Ջեյմս Էրվինը և մտածում, որ զվարճալի պատմություն կարող էր լինել: Մեկ ժամվա ընթացքում նա գրում է 8 էջ սցենար՝ մի զինվորի օրագրի գրառումներից, ով ԱՄՆ ծովային հետևակի կազմում հայտնվում է Հռոմեական կայսրությունում և նրանք պետք է որոշեն՝ պատերազմել հռոմեացիների հետ, թե՞ բանակցություններ վարել:

Էրվինը կարծում էր, որ պատմությունը (որն անվանվել էր «Rome Sweet Rome») կկարդան մի քանի հարյուր մարդ և դա նրանց զվարճալի կթվա: Աշխատանքից հետո մտնելով Reddit՝ նա տեսնում է, որ մի քանի ժամվա ընթացքում պատմությունը կարդացել են 250 000 մարդ: Դրանից երկու շաբաթ անց Էրվինը առաջարկ է ստանում ամերիկյան հայտնի Warner Bros. կինոստուդիայից, որից նա չէր կարող հրաժարվել: Էրվինը պետք է վերջացներ սցենարը, որի հիման վրա պետք է նկարահանվեր ֆիլմ: Գումարները հոսում էին, Էրվինը արձակուրդ է վերցնում և շարունակում գրել սցենարը: Սցենարը նա այդպես էլ ավարտին չի հասցնում, քանի որ դրան միանում է մեկ այլ գրող՝ որպես «թարմ ուժ», և ֆիլմն էլ դեռ էկրաններին չէ, բայց այս պատմության շնորհիվ Էրվինի կյանքն ամբողջությամբ փոխվում է: Նա դառնում է հայտնի համացանցում, սկսում է աշխատել այլ սցենարների վրա, այլ առաջարկներ է ստանում և ամեն ինչ դեռ շարունակվում է:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

5 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»