Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Ստարտափ պատմություն. Մաքս Սկիբինսկի

Այն մարդկանց համար, ովքեր ուզում են նոր ստարտափ սկսել, շատ կարևոր է ուսումնասիրել այդ ճանապարհն արդեն անցած մարդկանց փորձը: Մաքս Սկիբինսկին դրանցից մեկն է: Ազգությամբ ռուս՝ Մաքսը մոտ 20 տարի է բնակվում է Սիլիկոնային հովտում և այդ ընթացքում հասցրել է ստեղծել 4 հաջողակ ստարտափ: 2005թ-ին Մաքսը ստեղծում է Hive7 ստարտափը՝ առաջիններից մեկը սոցիալական խաղերի ոլորտում, որը 2010թ-ին 5,7 միլիոն դոլարով ձեռք է բերվում Playdom ընկերության կողմից (Playdom-ն իր հերթին ձեռք է բերվում Disney-ի կողմից մի քանի ամիս անց): 2011թ-ին Մաքսը գործընկերների հետ ստեղծում է նորաձևության ոլորտում իր հաջորդ ստարտափը՝ Inporia-ն: Նույն թվականին ստարտափը ստանում է ավելի քան 1 միլիոն դոլար ֆինանսավորում տարբեր ֆոնդերի, այդ թվում նաև Y Combinator-ի կողմից: Բայց այս ամենի և շատ ավելիի մասին դուք կարող եք իմանալ՝ դիտելով Մաքսի ամենաթարմ հարցազրույցներից մեկը:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»