Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողակ մարդիկ

Forbes. աղքատ շոտլանդացին, ով ստեղծեց միլիարդանոց կայսրություն

Նկարում պատկերվածը 65-ամյա Սթիվ Ֆորբսն է` հանրահայտ Forbes հրատարակչության սեփականատերն ու գլխավոր խմբագիրը: Նա Բերտի Չարլզ Ֆորբսի թոռն է՝ մարդու, ով հիմնադրեց Forbes-ը: Բերտի Ֆորբսը շոտլանդացի աղքատ գաղթական էր, ով եկել էր Նյու Յորք դարասկզբին` չունենալով որևէ գումար և լուրջ կրթություն: Նա 6-րդ երեխան էր դերձակի ընտանիքում, բայց ոչ վերջինը: Ինչպես հետագայում կատակում էր արդեն կայացած միլիոնատերը՝ նրանց ընտանիքում «ավելի շատ երեխա կար, քան փող»: Դպրոցը նա թողնում է 14 տարեկանում և շուտով գտնում իր առաքելությունը՝ դառնալով լրագրող տեղական թերթերից մեկում:

Թողնելով աղքատ Շոտլանդիան՝ երիտասարդ Ֆորբսը երազում էր Ամերիկայի մասին՝ «ազատ հնարավորությունների երկիր», որտեղ նա կարող էր օգտագործել իր բոլոր տաղանդները: Նրա սպասումներն արդարանում են: Նրան նկատում է Հըրսթի (William Randolph Hearst, այդ ժամանակվա ամերիկյան գլխավոր մեդիամագնատը) թերթի կայսրության հրատարակչություններից մեկը և շուտով նա դառնում է թերթի գլխավոր ֆինանսական սյունակագիրը: Սակայն Ֆորբսին դուր չէր գալիս այդ տարիներին մամուլում ամերիկյան բիզնեսի պարզունակ արտացոլումը: 1917թ-ի սեպտեմբերին նա որոշում է թողարկել սեփական ամսագիրը, որի առաջին էջի վրա տպագրում է. «Բիզնեսը ստեղծվել է նրա համար, որպեսզի երջանկություն պարգևի, այլ ոչ թե անիմաստ շատացնի հարստությունը: Մենք կարծես թե մոռանում ենք այդ մասին: Զրուցելով այսպես կոչված հաջողած մարդկանց հետ՝ ես հաճախ զգում էի, որ նրանք բիզնեսով զբաղվում են բիզնեսի համար՝ դիտարկելով իրենց միլիոնների կուտակումը որպես կյանքի վերջնական նպատակ և կյանքն իրենով՝ որպես նման գործընթաց: Նրանք այնքան ճնշված են նյութականով, որ չեն վայելում կատարյալը, հոգևորը: Պարզապես ստանալ՝ չի նշանակում ապրել: Գործարարի համար հաջողել չի նշանակում դառնալ հարուստ: Դա ցածր չափանիշ է, բայց բարեբախտաբար՝ այն դառնում է ավելի ու ավելի քիչ հանրահայտ»:

Բիզնեսը, կարծում էր Ֆորբսը, դա ինքնակայացման գործընթաց է և որպես հետևանք՝ աշխարհի վերափոխման: Դու միշտ պետք է տեսնես նպատակը, որը գտնվում է եկամուտ ստանալու բնազդից այն կողմ: Իր մշտական սյունակներից մեկում նա գրում է. «հասկացիր այն ամենը, ինչ ստանում ես»: 1928թ-ին Հըրսթը առաջարկում է Ֆորբսին գնել նրա ամսագիրը 10 միլիոն դոլարով, բայց դրա հիմնադիրը հարկ է համարում պահպանել «Ամերիկայի միակ անկախ գործարար ամսագիրը»: Եվ չնայած Մեծ ճգնաժամի տարիներին հրատարակչությունը գտնվում էր գոյատևման եզրին, բայց Ֆորբսը չի դավաճանում իր սկզբունքները. հարստությունն անցողիկ է, կարևորը կյանքում՝ ինքնակայացումն է:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

6 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»