Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Ստարտափ

Դո՛ւրս եկեք գրասենյակից. Սթիվ Բլանկ

Հիմնական մտքերից մեկը, որն իրենց «Ստարտափ: Հիմնադրի սեղանի գիրք» գրքում արտահայտում են համահեղինակներ Սթիվ Բլանկն ու Բոբ Դորֆը հետևյալն է. «դուրս եկեք գրասենյակից, այնտեղ, որտեղ ձեր հաճախորդներն են»: Հեղինակները պնդում են, որ նույնիսկ, եթե դուք օնլայն բիզնեսով եք զբաղվում, դա չի նշանակում, որ դուք պետք է միշտ նստած լինեք համակարգչի առաջ՝ գրասենյակում: Պետք է դուրս գալ գրասենյակից, շփվել մարդկանց հետ, անձնական հանդիպումներ ունենալ, կարծիքներ լսել. չէ՞ որ իրականում հենց այդ մարդիկ են ձեր վերջնական օգտագործողները: Հեղինակների կարծիքով օնլայն հարցումներն ու օնլայն շփումը ժամանակին կարող էին միայն բավարար լինել պրոդուկտի մասին մարդկանց վերաբերմունքը հասկանալու համար, բայց ոչ հիմա: Պետք է դուրս գալ գրասենյակից, տեսնել մարդկանց աչքերը, երբ խոսում ես նրանց հետ, հարցեր տալ դեմ առ դեմ և ստանալ պատասխաններ: Հիմնադրին, որը նստած է գրասենյակում, թվում է, թե նա հասկանում է ողջ խնդիրը: Բայց իրականում ողջ խնդիրը հասկանալու և համապատասխան լուծում տալու համար պետք է շփվել ամենատարբեր մարդկանց հետ. մարդիկ, ովքեր մասնագետներ են տարբեր ոլորտներում և նաև մարդիկ, ովքեր ուղղակի ապագա օգտվողներ են: Այնպես որ, եթե վստահում եք մի մարդու խորհուրդներին, ով արդեն 35 տարվա փորձ ունի ստարտափների ոլորտում, դուրս եկեք գրասենյակից և շփվեք ձեր հաճախորդների հետ:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»