Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Բիզնես և ֆինանսներ

Բիզնեսի արվեստը. 1C և Բորիս Նուրալիյեվ

Նայեք այս պարզ, համեստ դեմքով մարդուն: Նա Բորիս Նուրալիյեվն է. մարդ, ում հիմնադրած «1C» ընկերության եկամուտը, ըստ որոշ աղբյուրների, անցնում է 1 միլիարդ դոլարը: «1C» ապրանքանիշը ամենաճանաչվածներից մեկն է ԱՊՀ տարածքում և արտասահմանյան որոշ երկրներում: Այն շատ լավ գիտեն նաև Հայաստանում, քանի որ մեր ընկերություններից շատերի հաշվապահությունն ու բիզնես գործընթացները կառավարվում են հենց այս ընկերության ծրագրերի միջոցով: Բորիս Նուրալիյեվը հիմնադրել է «1C» ընկերությունը 1991թ-ին: Այդ օրվանից սկսած այն կայուն աճ է ցուցաբերել՝ տարեկան միջինում 40%: Ընկերությունն ունի գործընկերների մեծ ցանց: Իմիջիայլոց, ֆրանչայզինգը, ընկերության հիմնադրի խոսքերով, ընկերության հաջողության գլխավոր գրավականներից է: Որպեսզի պատկերացնեք ընկերության բիզնեսի ծավալները, մեջբերեմ միայն մեկ փաստ. Ռուսաստանում մոտ 300 հազար մարդ է զբաղվում «1C» ընկերության ծրագրերի ծրագրավորմամբ և ներդրմամբ:

Եվս մեկ փոքրիկ փաստ ընկերության ամենահայտնի պրոդուկտներից մեկի՝ «1C հաշվապահության» մասին: Այն նախատեսված չի եղել որպես պրոդուկտ, որը պետք է վաճառվեր: 90-ականների սկզբին, երբ ընկերությունը դեռ նոր-նոր էր սկսում թափ հավաքել, Բորիս Նուրալիյեվը նկատում է, որ ընկերության հաշվապահությունն իրենք վարում են «ոչ լիարժեք»: Հաշվապահական հարցերը կարգավորելու համար ընկերություն է հրավիրվում հիմնադրի եղբայրը, ով իր գործը հեշտացնելու համար հաշվապահական փոքրիկ ծրագիր է մշակում: Սակայն գործարարը մնում է գործարար, քանի որ ամեն ինչում կարողանում է նկատել բիզնես հնարավորություններ: Եվ գործարար Բորիս Նուրալիյեվի մոտ հարց է առաջանում՝ «իսկ ինչո՞ւ այն չվաճառել»: Եվ արդյունքում… Արդյունքների մասին, կարծում եմ, դուք արդեն գիտեք:

Ընդհանրապես, այս մարդն ինձ վրա շատ մեծ տպավորություն թողեց: Հաճույքով դիտեցի «1C»-ի հաջողության պատմությունը և նույնը խորհուրդ կտամ անել ձեզ: Դրանում ամեն ինչ պատմում է ինքը՝ հանրահայտ ընկերության հանրահայտ հիմնադիրը. ընկերություն, որն ԱՊՀ տարածքում իր ետևում է թողել այնպիսի մրցակիցների, ինչպիսիք են Microsoft-ն ու Oracle-ը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

2 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»