Երբ սկսեցի այս գիրքը գրել, գլխավոր մտահոգություններիցս մեկն այն էր, թե ինչ կհասկանան մարդիկ՝ «ստանդարտ մտածելակերպի սահմաններից դուրս» արտահայտությունը լսելով: Այլ կերպ ասած` ի՞նչ է մեզ համար «ոչ ստանդարտ» մտածելակերպը: Եթե հարցնեք ինչ-որ մեկին՝ «Երևակայիր մի բան, որը ստանդարտներից դուրս է», ամենաանհավանական պատասխաններում հավանաբար կլսեք այն մասին, թե ինչպես է մարդը թռչում, պատի միջով անցնում, ճանապարհորդում տիեզերքում, այլմոլորակայինների հետ շփվում, կենդանիների լեզվով խոսում, ջրի տակ շնչում, չորս ձեռք կամ երեք աչք ունի, ուրիշների մտքերն է կարդում, ապրում է առանց սնվելու և այլն, և այլն: Սա է միջին վիճակագրական մարդու մտքի ամենաընդարձակ սահմանը: Իրականում այս մտքերն ու պատկերացումները չի կարելի «ոչ ստանդարտ» անվանել: Մարդիկ, փորձելով մտածել ստանդարտներից դուրս, չեն էլ կռահում, որ շարունակում են մնալ ստանդարտների ներսում:


   


Հաջողակ մարդիկ

Ուորեն Բաֆֆեթ. մեր օրերի մեծագույն ներդրողը

Ուորեն Բաֆֆեթի մասին մենք արդեն խոսել ենք: Նա կենդանի լեգենդ է, մեր օրերի մեծագույն ներդրողն ու աշխարհի ամենահարուստ մարդկանցից մեկը՝ 46,5 միլիարդ դոլար կարողությամբ: Նա մեր ժամանակների խոշորագույն բարերարներից է, աշխարհի 23 միլիարդատերերից մեկը, ովքեր իրենց կյանքի ընթացքում բարեգործության վրա ծախսել են 1 միլիարդ դոլարից ավելի: Ավելի շուտ, այդ ցուցակում նա 2-րդն է՝ ընդհանուր 20 միլիարդ դոլար բարեգործությամբ: Այդ ցուցանիշով նա զիջում է միայն ընկերոջը՝ Բիլլ Գեյթսին, ով բարեգործությանը հատկացրել է մոտ 28 միլիարդ դոլար: Դիտեք կենդանի լեգենդի մասին պատմող տեսանյութը:


Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»