Գրքեր անձնային աճի մասին

Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքերի միջոցով ես կփորձեմ Ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար: -Հ. Մանուկյան


   


Անձնային աճ

Միայնակ մնալու 10 առավելությունները

Հեղինակ՝ Մանե

Ժամանակ առ ժամանակ բոլորին էլ օգտակար է մի քանի օրով կտրվել ամեն ինչից, մնալ ինքդ քեզ հետ, մտածել, վերաարժեվորել իրերը կյանքում: Ահա տաս կետ, թե ինչ է դա տալիս:

1. Մաքրում է Ձեր ուղեղը

Հանգիստ միջավայրում Դուք կարող եք թույլ տալ Ձեզ ազատվել ավելորդ մտածմունքներից:

2. Բարելավում է Ձեր ստեղծարարությունը

Դուք կտրված եք առօրյա թոհուբոհից և ունեք հնարավորություն մտածել ստանդարտներից դուրս:

3. Թույլ է տալիս բացահայտել նոր հնարավորություններ Ձեր կյանքում

Նոր հնարավորությունները հաճախ քողարկված են «սովորական» պիտակի տակ և դրանք հնարավոր է տեսնել միայն հանգիստ ուղեղով:

4. Վերաարժեվորում է Ձեր առաջնահերթությունները

Դուք ձեռք եք բերում հնարավորություն կանգ առնել, մտածել և վերադասավորել Ձեր առաջնահերթությունները:

5. Բարելավում է Ձեր հարաբերությունները

Դուք կարծես զրուցում եք քահանայի հետ, որտեղ քահանան լռությունն է:

6. Թույլ է տալիս Ձեզ դանդաղեցնել ընթացքը

Երբ շուրջբոլորն ամեն ինչ արագ է, իներցիայով մենք նույնպես արագ ենք շարժվում: Միայնակ լինելով՝ դուք կարող եք որոշ չափով արգելակել:

7. Դուք դառնում եք ավելի կենտրոնացած

Երբ շեղող հանգամանքները քիչ են, միտքը դառնում է ավելի կտրուկ և թիրախային:

8. Դուք կրկին կապ եք հաստատում Ձեզ հետ

Հաճախ մենք մոռանում ենք, թե ով ենք մենք, ինչ ենք ուզում, ուր ենք շարժվում և ինչն է մեզ համար կարևոր: Միայնակ մնալով՝ մենք վերագտնում ենք մեզ:

9. Դուք ձեռք եք բերում վստահություն

Երբ մենք առանձին ենք, նայում ենք ինքներս մեզ և գիտակցում, որ «մենք կարո՛ղ ենք»:

10. Դուք դառնում եք ավելի ազատ

Մենք ազատվում ենք կապանքներից, որոնցով մեզ հաճախ պարուրում է մեր ապրելակերպը:

Երբեմն մեր կյանքն, ասես գնացք, տանում է մեզ որոշակի ուղղություններով և մեզ անհրաժեշտ է դուրս ցատկել գնացքից, մի պահ կանգ առնել, մտածել, ապա շարունակել ուղևորությունը: Դա էլ հենց ապահովում է միայնակ մնալը:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»