Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Աֆորիզմներ

Դրեք նպատակներ և հասեք. 10 աֆորիզմներ նպատակների մասին

Շարժվել կյանքում առանց նպատակի՝ նման է մեքենա վարելուն՝ առանց ղեկի: Կյանքը ձեզ այս ու այն կողմ կտանի՝ վերջիվերջո հարվածելով ինչ-որ բանի: Նպատակը մարդուն տալիս է ուղղություն, որով նա կարող է շարժվել: Ճանապարհները, որոնք մարդը պետք է անցնի, կարող են լինել կարճ և երկար: Սկսեք կարճ ճանապարհներից, բայց մտքում միշտ պահեք երկարը: Երբ բավական մարզված լինեք, դուրս եկեք երկար ճանապարհի վրա. դրեք մեծ նպատակներ:

Նպատակը ոչինչ է, շարժումն՝ ամեն ինչ:
— Էդուարդ Բերնշտեյն

Ավելի հեշտ է առաջ գնալ, քան սխալ ուղղությամբ:
— Միխայիլ Գենին

Երբ նպատակն իրականացված է, ճանապարհը մոռացվում է:
— Օշո

Եթե դուք ուզում եք երջանիկ լինել, պետք է կապված լինեք նպատակի, այլ ոչ թե մարդկանց կամ իրերի հետ:
— Էյնշտեյն

Գտիր նպատակ, միջոցները կգտնվեն:
— Գանդի

Երբեք ուշ չէ հեռանալ ամբոխից: Հետևիր երազանքիդ, հասիր նպատակիդ:
— Բեռնարդ Շոու

Մարդն աճում է այնքանով, որքանով աճում են նրա նպատակները:
— Շիլլեր

Եթե չունես նպատակ, չես անում ոչինչ, և չես անում ոչինչ մեծ, եթե նպատակդ փոքր է:
— Դիդրո

Երբ ուզում եք վեր բարձրանալ, ապավինեք սեփական ոտքերին:
— Նիցշե

Նա, ով չգիտի, թե ուր է գնում, շատ կզարմանա՝ հայտնվելով ոչ այնտեղ:
— Մարկ Տվեն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»