Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Աֆորիզմներ

7 մտքեր մարդուց, ով մտածում էր համակարգից դուրս. Ժակ Ֆրեսկո

Մի անգամ ինձ հարցրեցին. «Դուք խելացի մարդ եք, ինչո՞ւ հարուստ չեք»: Իսկ ես պատասխանեցի. «Դուք հարուստ եք, ինչո՞ւ խելացի չեք»:

Չկան վատ մարդիկ: Կան ճիշտ որոշումներ կայացնելու համար անբավարար տեղեկատվություն ունեցող մարդիկ:

Եթե Դուք կարծում եք, որ մենք չենք կարող փոխել աշխարհը, դա ընդամենը նշանակում է, որ Դուք փոխողներից մեկը չեք:

Մեր հիմնական խնդիրը կայանում է նրանում, որ մենք չենք հասկանում, թե ինչ է նշանակում մարդ, և որ մենք բնությունից առանձին չենք:

Ոչ ոք չի ծնվում ագահությամբ, կողմնակալությամբ, ատելությամբ, հայրենասիրությամբ կամ մոլեռանդությամբ: Այս բոլորը ձեռքբերովի վարքագծեր են:

Միայն դժգոհելը՝ առանց այլընտրանք առաջարկելու, ոչինչ չարժե:

Եթե Դուք ոչինչ չանեք, վստահեցնում եմ Ձեզ՝ ոչինչ էլ տեղի չի ունենա:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»