Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Անձնային աճ

Կյանքի 5 դասեր, որոնք կարելի է քաղել «Մեծագույն շոումենը» ֆիլմից

Կինոթատրոններում ցուցադրվում է 19-րդ դարի խոշորագույն գործարարներից մեկի և մեծագույն շոումենի՝ Ֆինյաս Բարնումի կյանքի պատմությունը ներկայացնող ֆիլմը: Ֆիլմը մոտիվացիայի հսկայական պաշար է այն մարդկանց համար, ովքեր ունեն անհավանական թվացող երազանք, բայց ուզում են դրան հասնել: Բարնումը մարդկանց զվարճացնելու իր մտադրությունը սկսում է փողոցից և վերածում այն հսկայական կայսրության: Ահա 5 դասեր, որոնք կարելի է քաղել ֆիլմից:

Երազանքը սրտում պահեք

Ֆինյաս Բարնումն ուներ երազանք՝ զվարճացնել մարդկանց: Այդ երազանքը նա պահում էր տասնյակ տարիների ընթացքում՝ մինչև ի վերջո իր երազանքն իրականություն դարձրեց: Երազանքները միանգամից չեն իրականանում, սակայն եթե սկսում ես աշխատել այդ ուղղությամբ, ապա դեպի երազանք ճանապարհն իրենով դառնում է երազանքի մի մասը:

Հաջողությունն անմիջապես չի գալիս

Մեր հիմնական սխալներից մեկը կայանում է նրանում, որ մենք ակնկալում ենք արագ հաջողություն և հիասթափվում ենք, երբ այն ուշանում է: Քչերն են պատրաստ արդյունքի համար համառորեն աշխատել: Հաջողությունը գալիս է այն մարդկանց մոտ, ովքեր անընդհատ գործում են և չեն հիասթափվում: Բարնումի կրկեսի տոմսերը միանգամից չէին վաճառվում: Բայց դա նրան չէր կանգնեցնում:

Երբեմն վատը՝ լավի սկիզբն է

Ֆիլմի դրվագներից մեկում Բարնումին ազատում են աշխատանքից, երբ նա կին և երկու երեխա ուներ: Թվում է, թե ավելի մեծ անհաջողություն այդ պահին չէր էլ կարող լինել: Սակայն ազատ ժամանակը Բարնումը օգտագործում է իր երազանքն իրականացնելու վրա: Հաճախ կյանքի որոշ իրադարձությունների պարգև հանդիսանալը մենք հասկանում ենք ավելի ուշ, նույնիսկ եթե այդ պահին դա մեզ սարսափելի է թվում:

Մի վախեցեք սկսել նորից

Հաջողությունը հավերժ չէ: Ցանկացած պահի ամեն ինչ կարող է հակառակ ուղղությամբ շարժվել և դուք սիպված կլինեք ամեն ինչ նորից սկսել: Մի վախեցեք դրանից: Եթե մեկ անգամ արել եք, կհաջողվի ևս մեկ անգամ: Բարնումի մոտ այրվում է կրկեսը, երբ նա հաջողության գագաթնակետին էր: Նա կառուցում է նորը:

Ռիսկը՝ հաջողության գրավականն է

Առանց ռիսկի դիմելու՝ դժվար է որևէ բանի հասնել: Մեկ անգամ ռիսկի դիմելով՝ հնարավոր է ողջ կյանքը փոխել: Երբեմն մարդն ի վիճակի չէ ռիսկի դիմել ինքնուրույն, և կյանքն օգնում է նրան: Օգտագործեք կյանքի տված հնարավորությունները: Բարնումն ազատվում է աշխատանքից, վարկ է վերցնում և ներդնում մի բանի մեջ, ինչի ապագան, մեղմ ասած, անհասկանալի էր:

Իրականում հիանալի ֆիլմ է, սիրելի ընթերցող: Բաց մի թողեք այն դիտելու հաճույքը:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»