Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության գաղտնիքներ

Եթե աշխարհում ապրեր 100 մարդ…

Եթե աշխարհում ապրեր ընդամենը 100 մարդ, նրանցից 57-ը կլինեին Ասիայից, 21-ը՝ Եվրոպայից, 14-ը՝ Ամերիկա աշխարհամասից և 8-ը՝ Աֆրիկայից: 52-ը կլինեին կանայք, 48-ը՝ տղամարդիկ, 30-ը սպիտակամորթ, 70-ը՝ ոչ սպիտակամորթ: 6 մարդու կպատկաներ բոլոր հարստությունների 59%-ը և նրանք բոլորն էլ կլինեին ամերիկացիներ: 80-ը կապրեին ծայրահեղ աղքատության մեջ: Կարդալ չէին իմանա 70-ը: 50-ը կլինեին սոված կամ կիսաքաղցած: 1 մարդ կունենար բարձրագույն կրթություն և միայն 1-ը՝ համակարգիչ: Եթե դուք ունեք ուտելիք սառնարանում, հագուստ և տանիք, ապա դուք հարուստ եք աշխարհի բնակչության 75%-ից: Իսկ եթե ունեք նաև բանկային հաշիվ կամ ինչ-որ գումար դրամապանակում, ապա դուք մարդկության 8% ընտրյալների մեջ եք:

Հիշեք՝ եթե դուք կարողացաք կարդալ այս տողերն ինքնուրույն, ապա դուք տարբերվում եք այն 2 միլիարդ մարդկանցից, ովքեր չեն կարողանում կարդալ: Հիշեք այս ամենը, հատկապես, երբ բողոքում եք:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

4 մեկնաբանություն

      • Հրաչ ջան, հոդվածն օգնում է գնահատել այն տեղը, որը մենք զբաղեցնում ենք երկրի վրա: Սա նման է վիճակագրական տվյալների բազայի, որը ներկայացնում է երկրի ներքին ու արտաքին վիճակը՝ փոքր մասշտաբով: Այս նյութն ինձ հոգեհարազատ է. մի քանի տարի առաջ կարդացել եմ : Հիշեցի ևս մի միտք այս շարքից. «Եթե դուք արթնացել եք այսօր առավոտյան, ուրեմն չեք պատկանում այն միլլիոնավոր մարդկանց շարքին, ովքեր չեն ապրելու մինչև հաջորդ շաբաթ»:
        Չնայած նյութի բովանդակությանն ու գաղափարին, մտքովս մի բան անցավ. Ի՞նչ կպատահեր, եթե աշխարհում ինչ-որ ժամանակ ապրեր հարյուր մարդ և ես լինեի նրանցից մեկը: Այդժամ այնքան դատարկ կթվար երկիրը: Այսօր մենք ապրում ենք մի մոլորակի վրա, որը լի է միլլիոնավոր մարդկանցով և մեծ քաղաքներով : Այդ մարդկանցից շատերն զբաղվում են արվեստով և վերարտադրում բնության գեղեցկությունը, մյուսներն իրենց ստեղծարար ու հնարամիտ ոգով թեթևացնում են շատերի կյանքը…
        Աշխարհը փոխվում է մեզ հետ: Թող հարյուրները հազարապատկվեն:

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»