Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Ստարտափ

Քայլ 1. Y Combinator

Երեկ դիմեցինք Y Combinator: Այսինքն, լրացրեցինք օնլայն դիմումը, պատասխանեցինք այս և մի շարք այլ հարցերի, որոնք պարտադիր են Y Combinator-ի համար, նկարահանեցինք մոտ 1 րոպե երկարությամբ տեսանյութը, որտեղ հիմնադիրները անգլերեն լեզվով կարճ խոսում են իրենց և իրենց նախագծի մասին, և Submit կոճակի սեղմումը հաստատեց, որ արդեն կարող ենք սպասել պատասխանի 🙂 Պատասխանը սպասում ենք ապրիլի 16-ին: Մինչ այդ, եթե Y Combinator-ի մասնագետները նախագծի հետ կապված որևէ հարցեր ունենան, նրանք այդ մասին կգրեն Y Combinator-ի մեր անձնական էջում: Պարզապես, պետք է այդ էջն ամեն օր ստուգել, որպեսզի ոչինչ բաց չթողնել: Քանի որ Y Combinator-ի հետ կապված այլևս անելիք չունենք և մնում է միայն սպասել, կշարունակենք փնտրել և դիմել այլ վենչուրային ֆոնդեր և բիզնես աքսելերատորներ այնքան ժամանակ, մինչև ինչ-որ մեկը կլսի մեզ: Դա անչափ հետաքրքիր պրոցես է: Հուսով եմ saymetruth.com-ը մեծ հաջողություն կունենա: Եթե լինեն հարցեր կապված կոնկրետ դիմելու պրոցեսի հետ, կարող եք գրել այստեղ: Հաճույքով դրանց կպատասխանեմ:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

14 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»