Երբեմն զարմանում եմ՝ ինչպե՞ս այդքան հաջողակ մարդիկ, հաջողակ ընկերություններ կան, որոնց մասին չեմ էլ լսել: Իրականում զարմանալու բան չկա 🙂 աշխարհը մեծ է, հաջողակները միլիոններով, իհարկե հնարավոր չէ բոլորին ճանաչել: Բայց ամեն անգամ անկեղծորեն ուրախանում եմ, երբ նման մի պատմություն եմ լսում կամ նոր մարդկանց եմ ծանոթանում (շուտով նրանց կծանոթանաք նաև դուք՝ հոդվածի 2-րդ մասում): Իրականում, նյութն այդքան էլ կապ չունի Ռիչարդ Բրենսոնի հետ: Պարզապես Ռիչարդ Բրենսոնի մասին տեսանյութ էի փնտրում youtube-ում և հանկարծ գտա մեկը, որում մի ռուս կին պատմում էր, թե ինչպես է հանգստացել Նեկեռ կղզում իր գործընկերների և ընկերների հետ և ինչպես է հանդիպել Ռիչարդ Բրենսոնին: Իհարկե հետաքրքրություն առաջացավ՝ թե ով է այդ կինը, ինչ գործնական հաջողություններ ունի, որ կարողացել է հանդիպել նման մասշտաբի մարդու հետ: Արդյունքում ծնվեց այս հոդվածը:
Իսկ հիմա ամենակարևորը: Սա տեսանյութ է բոլորի համար: Դիտելով այս տեսանյութը՝ իրենց համար կարող են բացահայտումներ անել և մարդիկ, ովքեր նոր են սկսում ինչ-որ քայլեր կատարել, և օրինակ, հմուտ գործարարները, քանի որ իրոք խոսվում է ստեղծագործ բիզնեսի, կյանքի և երջանկության մասին ընդհանրապես: Այն ինձ շատ ոգևորեց: Հուսով եմ՝ Ձեզ նույնպես:
woow))) amen inch hrashali er.
🙂