Մարդը պետք է անընդհատ աճի: Այդ աճը կարող է լինել գծային, հարթության մեջ և տարածական: Սովորաբար մենք աճում ենք գծային եղանակով: Այդ գիծը կոչվում է մասնագիտություն: Երբ մենք շեղվում ենք մասնագիտությունից, սկսում ենք զբաղվել նաև հոբբիներով, ժամանակ ենք տրամադրում ինքնազարգացմանը, նոր գիտելիքներ ենք ձեռք բերում, որոնք կապ չունեն մեր հիմնական աշխատանքի հետ, մենք սկսում ենք աճել հարթության մեջ: Դա արդեն լավ է: Այս գրքի միջոցով ես կփորձեմ ձեր մեջ տարածական աճելու ցանկություն արթնացնել: Երրորդ առանցքը մտածողությունն է: Այն զարգանում է, երբ դուք ազատ ժամանակ եք ունենում ոչնչով չզբաղվելու, պարզապես մտածելու համար:


   


Հաջողության պատմություններ

Սոցիալական խաղի հաջողությունը. FarmVille

Այն ստեղծվեց 2009թ-ի հուլիսին, իսկ օգոստոսին այն արդեն խաղում էին 33 միլիոն մարդ: ComScore-ի տվյալներով 2009թ-ի հունիսին Facebook այցելել էին մոտ 340 միլիոն մարդ: Ենթադրելով, որ հաջորդ 1-2 ամիսների ընթացքում պատկերը դժվար թե զգալի փոխվեր, ստացվում է, որ Facebook-ի այցելուների 10%-ը օգոստոս ամսին խաղում էր FarmVille: Դա բացառիկ ցուցանիշ է: Իսկ խաղը կայանում է հետևյալում. դուք աճեցնում եք ֆերմա, հող եք մշակում, բույսեր ու ծառեր եք տնկում, կենդանիներ եք գնում, և այլն: Բայց այնպես չէ, որ դուք մեկ անգամ խաղում եք և վերջ: Դուք պետք է անընդհատ հետևեք ձեր ֆերմային: Եթե չանեք դա, ելակն ու մյուս հատապտուղները, մրգերն ու բանջարեղենները, որոնք այդքան հոգատարությամբ աճեցրել եք, կչորանան և այլևս չեն աճի: Այսինքն, դուք պետք է պարբերաբար, ամեն օր հետևեք ձեր ֆերմային, այլապես այն անտիրության կմատնվի և չի բարգավաճի, ինչպես իրական կյանքում: Այս մեթոդով խաղի ստեղծողներն ապահովել են սոցիալական խաղի հաջողության գլխավոր գրավականներից մեկը՝ ստիպել օգտվողներին հաճախակի վերադառնալ:

Իսկ խաղի ստեղծողը սոցիալական խաղերի ոլորտի առաջատար Zynga ընկերությունն է: Խաղն արդեն գրեթե 4 տարեկան է և այս տարվա փետրվարին Zynga ընկերության տնօրեն Մարկ Պինկուսը հայտարարեց, որ FarmVille-ի եկամուտն արդեն անցել է 1 միլիարդ դոլարը: Մեկ խաղը կարող է աշխատել միլիարդ դոլար, զարմանալի է.. Բայց դա լիովին բացատրելի է, հաշվի առնելով, որ ամսեկան 40 միլիոն մարդ է խաղում FarmVille, իսկ խաղացողների 2-5%-ը պատրաստ է վճարել ամսեկան մի քանի դոլար վիրտուալ ապրանքների և նվերների համար: Այնպես որ, սոցիալական խաղերի ոլորտն այսօր լավ հնարավորություն է մեծ ընկերություններ ստեղծելու և հաջողության հասնելու համար:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Այս խաղը ֆեյսբուքով չեմ հանդիպել,,,,ուրիշ սոց.ցանցով եմ հանդիպել 2 տարի առաջ…

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»