Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Մեղվի խայթոց

Կա մի բան, որի շուրջը ես շատ եմ մտածել: Երբ փոքր էի, ամեն ամառ գնում էի Բջնիում գտնվող մեր ամառանոց հանգստանալու: Անմիջապես մեր կողքի ամառանոցում մեղվի փեթակներ կային և մեղուների պակաս շրջակայքում չէր զգացվում: Եվ դրանք հաճախակի խայթում էին մարդկանց: Խայթում և սատկում: Եվ երբ փոքր էի, ես անընդհատ մտածում էի. «միթե՞ մեղուներն այդքան անխելք են, որ նույնիսկ գիտակցելով, որ մահանալու են, շարունակում են խայթել»: Բայց հետո հասկացա, որ խայթելուց առաջ մեղուն չի գիտակցում, թե դրանից հետո ինչ է լինելու: Այսինքն, դա գտնվում է նրա տրամաբանությունից դուրս: Որքան էլ փորձիր մեղվին բացատրել, որ խայթելով դու սատկելու ես, նա չի հասկանա, որվհետև դա նրա ընկալման սահմաններից դուրս է: Իսկ մարդի՞կ… միգուցե նման ինչ-որ բան էլ կա մարդկանց դեպքո՞ւմ:

Հաճախ ես մտածում եմ՝ միգուցե մենք էլ ենք ինչ-որ բան անում, ինչը մեզ «սպանում է», բայց մենք դա չենք գիտակցում: Չէ՞ որ մեր ընկալման սահմաններն էլ են սահմանափակ: Եվ եթե այո, ապա ի՞նչ ենք մենք անում: Միգուցե կա ինչ-որ բան, որը մեզ համար սովորական է, բայց դա մեզ վնասում է և մենք դա չենք գիտակցում: Դա կարող է լինել աբսուրդային թվացող ինչ-որ բան, օրինակ, եթե օրեկան երկու բաժակից ավել ջուր ես խմում, կամ 12 ժամից ավել ես քնում կամ շատ ես խոսում, կամ ալկոհոլ ես օգտագործում կամ էլ անընդհատ վատ բաների մասին ես մտածում: Բայց որքան էլ մենք փորձենք դա հասկանալ, երևի չենք կարող, որովհետև այդպիսին ենք մենք ստեղծված: Կամ միգուցե կարո՞ղ ենք, եթե փորձենք օգտագործել մեր ուղեղի մնացած մասը: Ամեն դեպքում… հարցերը շատ են, բայց ես ինձ համար մի հետևություն եմ արել: Մարդու համար մեղվի խայթոց է հանդիսանում բացասականի մասին մտածելը, վատ տրամադրություն ունենալը, ճնշված լինելը, իրեն թերագնահատելը, ուրիշներին նախանձելը, ալարկոտ լինելը և այլն: Դրանով մարդն ինքն իրեն է վնասում, նույնիսկ եթե դա չի գիտակցում: Եղեք դրական, եղեք վստահ, ապրեք ձեր կյանքով՝ ձեր և ուրիշների համար, ստեղծեք, արարեք, լավություն արեք, մի տխրեք, հավատացեք, ձգտեք, շնորհակալ եղեք և ամեն ինչ լավ կլինի:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

10 մեկնաբանություն

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»