Գրքեր անձնային աճի մասին

Այս գրքերը ծնվեցին այն փոփոխությունների արդյունքում, որոնք տեղի ունեցան մի մարդու ներսում: Առաջին փոփոխությունը կապված էր կյանքի հանդեպ վերաբերմունքի, երկարաժամկետ նպատակները հասկանալու հետ: Փոփոխությունն ամփոփվեց «Փոխիր Կյանքդ» գրքում: Երկրորդ փոփոխությունը կապված էր բնավորության հետ. կամ մենք ղեկավարում ենք մեր բնավորությունը, կամ այն ղեկավարում է մեզ: Փոփոխության արդյունքում ծնվեց «Կամքի ուժ. ինչպես ղեկավարել սովորությունները» գիրքը: Երրորդ փոփոխությունը կապված էր աշխարհայացքի ընդլայնման հետ: Մեր մտածողությունը սահմանափակվում է այն միջավայրով, որում մենք ապրում ենք, որը գիտենք: Երբ կտրվում ես այդ միջավայրից, հնարավորություն ես ձեռք բերում աշխարհն այլ կերպ տեսնել, այլ կերպ մտածել: Մտածողության աճն ամփոփվեց «Ստանդարտ մտածելակերպի սահմաններից դուրս» գրքում: Դեռ փոփոխություններ կան առջևում…


   


Հաջողության գաղտնիքներ

Սովորել սխալների վրա

Կարծում եմ բազմիցս լսած կլինեք նման արտահայտություն՝ «սխալների վրա պետք է սովորել»: Կա դրա երկու տարբերակ՝ «սովորել սեփական սխալների վրա» և «սովորել ուրիշների սխալների վրա»: Ասում են, որ ավելի իմաստուն մարդիկ սովորում են ուրիշների սխալների վրա: Բայց քանի որ մենք իմաստուն չենք, այլ հասարակ մարդիկ ենք, ապա մեր դեպքում կարծում եմ պետք է գործի «սովորել սեփական սխալների վրա» տարբերակը, համենայն դեպս՝ մինչև իմաստուն դառնալը:

«Սովորել սեփական սխալների վրա» սկզբունքը հաջողության հասնելու ամենակարևոր սկզբունքներից մեկն է: Եթե բացենք այդ արտահայտության փակագծերը, ապա կստանանք հետևյալ շղթան՝ գործել — սխալվել — սովորել:

Սովորաբար «սովորել սեփական սխալների վրա» ասելիս մարդիկ այնքան են կենտրոնանում սխալվել բառի վրա, որ չեն նկատում մյուս երկուսը՝ գործել և սովորել: Բայց հենց այդ երկու բառերի մեջ է թաքնված սեփական սխալների վրա սովորելու ողջ էֆֆեկտիվությունը: Չնայած մենք բազմիցս ենք խոսել այս թեմայով, բայց չենք զլանա ևս մեկ անգամ հիշեցնել այդ մասին, որպեսզի դա ավելի ամուր տպավորվի մեր գիտակցություններում:

Սխալվելուց պետք չէ վախենալ, սխալվելը հնարավորություն է սկսել ամեն ինչ նորից, բայց ավելի շատ գիտելիքներով, սխալվելը հնարավորություն է փորձ հավաքելու, սխալվելն արդյունքն է գործելու, բոլոր հաջողակ մարդիկ էլ սխալվում են և միգուցե նույնիսկ ավելի շատ, քան հասարակ մարդիկ և չի սխալվում միայն նա, ով ոչինչ չի անում:

Ուղղակի աշխատեք իրոք սովորել սեփական սխալների վրա: Առաջին անգամ սխալվելը ոչինչ է, բայց աշխատեք չկրկնել այդ սխալները: Բայց նույնիսկ եթե կրկնեք էլ, պետք չէ դրանից վհատվել և ինքնամեղադրանքով զբաղվել, այլ ուղղակի արագ հետևություններ արեք և անցեք առաջ: Պատմությունը ցույց է տվել հազարավոր օրինակներ, երբ մարդիկ հաջողության են հասնում բազմաթիվ սխալներից հետո: Դրանցից լավագույնները Հենրի Ֆորդի և Թոմաս Էդիսոնի օրինակներն են, երբ բազմաթիվ սխալներ և քրտնաջան աշխատանքի տարիներ են նախորդում էլեկտրական լամպի կատարյալ տարբերակը ստանալուն և առաջին ավտոմեքենան ստեղծելուն:

Հեղինակի մասին

Հրաչյա Մանուկյան

Անձնային աճի գծով հեղինակ, Հաջողության բլոգի հիմնադիր, «Փոխիր կյանքդ», «Կամքի ուժ. ինչպես ղեկավարել սովորությունները» և «Ստանդարտ մտածելակերպի սահմաններից դուրս» գրքերի հեղինակ:

1 մեկնաբանություն

  • Ես շատ եմ սխալվում, քանի որ միշտ փորձում եմ, իսկ փորձը սխալ որոշումների վրա է ձևավորվում, շատ ճիշտա Լուկա ջան

Մեկնաբանել

error: Կյանքն ավելի հրաշալի է, երբ ստեղծում ես սեփական «բովանդակությունը»